NIKI BUKIT LINGGA

19 09 2009

BANTING, SRI AMAN: Bisi 80 iku bala mensia mayuh nyengkaum sida ari opis perintah, opis swasta, bala kaban Kandang Rukun Tetangga (KRT) Sri Aman sama enggau pejalai Ekspedisi Niki Bukit Lesung enda jauh ari ditu, apin lama.

DSC00590[1]

Ekspedisi pengelama tiga hari dua malam nya diatur Opis Serakup Menua enggau Integrasi Nasional (OSMIN) Sitak Sri Aman berakup enggau Opis Residen Sitak Sri Aman.

Ketuai OSMIN Sitak Sri Aman, Mohamad Yusli Nassir lebuh ditanya,madah ekspedisi nya kena meri awak ngagai raban bansa di menua Sri Aman nyungkakka pemanah tali kaul sida enggau diri sama diri, ke tambah ke negutka agi tanggam gempung ati enggau diri sama diri begulai ba endur ti sama dalam pengelikun.

Kelimpah nya, batang tuju ke bukai mega kena ngangkatka pemereti ati bala rayat mayuh di Sitak Sri Aman pasal pemanah sekeda lokasi di Sri Aman kelimpah ari produk baka Pesta Benak enggau Ikan Bulu ti patut dijaga sereta diberi kemeran dalam atur iya kena ngangkatka identiti Sri Aman.

Iya mega madah, atur nya mega kena nyungkakka agi kerejasama, gotong-royong, enggau penyerakup entara bala ari raban sukarela, raban ukai perintah (NGO) enggau Swasta sereta mega kena ngemanahka agi kaul enggau rakup entara agensi perintah awakka sama bela sereta nyingkang dalam pengagit nuju japai visi perintah ngidupka Konsep 1Malaysia.

Ku Yusli, tu meh keterubah iya opis sida ngatur ekspedisi nya lalu ngarapka ekspedisi tu dijadika program genap taun dudi ila ka tambah mega siti ari produk dagang temuai ungkup Sri Aman


Actions

Information

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s




%d bloggers like this: