Skim Padi di Banting-Berita ba nama tang nadai udah ngubah pendiau enggau pengidup rakyat.

24 09 2009

KUCHING: Nanam padi ba menua tu bisi tulung ari Perintah Besai nengah gran ke baru kena nambah agi pemansut beras ari menua tu.

Kelimpah ari RM50 juta ke dipadahka Opis Menteri Betanam Betupi enggau Industri Agro-based, Opis Menteri Kereja mega udah ngemendarka penyampau ke sama kena ngaga jalai alun.

Baka tu meh pendiau urang ti betambak ke paong padi.

Baka tu meh pendiau urang ti betambak paong padi.

Sapit Menteri Kerja Raya, Datuk Yong Khoon Seng madah kemari opis menteri iya udah ngemendarka RM50 juta kena ngaga jalai alun mansa umai ba menua tu.

DSC00102[1]

Sekeda rampa menua Banting (Banting Irrigation Scheme) ka diatu. Nadai mayuh pengubah, berupai majak mit semit ari taun ke taun. Bala nembiak nyau beransak-ansak nguji nasib ba negeri. Kati enda bakanya deh? Menua ti udah ditejuka perintah nadai bisi endur alai kitai beridup tunda dunya kemaya hari tu.

Iya madah ngagai sida surat berita, duit nya udah bisi diatu lalu deka dibagi barang maya.

“Opis Menteri aku udah ngemandarka RM50 juta lalu kami deka magi duit nya enggau penyampat iya,” ku Yong kemari udah iya muka pengawa nyuaka tulung ngagai pengelantang pendiau.

Tulung nya diberi ngagai tiga gerempung, Sarawak Children Cancer Society, Sarawak Society of Prevention of Cruelty to Animals enggau Buddhist Tsu-Chi Society ke di atur ba tepikung Wat Somdetsangkharat Sukkhaithuen, ditu ke mega nyambut Hari Wesak.

Yong ngarapka Perintah Menua ulih mantaika endur ke patut alai bumai padi ngagai Opis Menteri Kereja enggau jampat awakka gran nya nyamai dibagi.

Iya madahka, pekara tu amat berat ngenyadika menua tu ulih ngeluarka beras tegal dunya betunga enggau pengurang pemakai, laban musin kemarau enggau ampuh bah nagang menua ke patut ngeluarka pemakai enda ulih ngeluar pemakai enggau mayuh.

Menua tu ke bisi tanah ke besai peluang nyadi pengeluar beras ke besai, ku iya.

“Kitai bisi tanah ke di empu perintah menua enggau tanah NCR….enti tanah ke di empu perintah nya enda chukup, kitai ulih ngelala sekeda tanah NCR lalu deka dikemansangka endur nanam padi,” ku iya.

Taja pia, ngemansangka tanah NCR kena tuju nya, deka dipejalaika bekunsi enggau sida ke empu tanah awakka sama-sama untung.

Yong mega madah, menua Malaysia ngimpot 30 peratus beras, lalu nambah beras menua tu semina ulih nampung 70 peratus peminta orang mayuh menua tu.

Iya ngarapka nya dipejalai enggau chara komersil, awakka beras ulih nambah 10 ton sehektar enggau ngena teknologi “hybrid”.

Yong madah ngagai sida pemberita, pansik tengan taun ari RMK-9 deka dibantaika ba Parlimen bulan baru tu ila, lalu bisi nyebut Sabah enggau Sarawak engka deka nerima gran mayuh agi.

Ba pekara bukai, 4 Mei tu tadi, Kepala Menteri Sarawak Pehin Sri Abdul Taib Mahmud madah ka gran ke udah diberi Opis Menteri Betanam Betupi enggau Industri Agro-based deka dikena taun tu mega.

Iya madah RM50 juta nya patut dikena ba tiga pelilih menua baka Stumbin enggau Banting ba Sri Aman, Tulai ba Bintangor enggau Balau ba Mukah, lalu projek tu patut belabuh diatu.

Sapit Kepala Menteri ke mega Menteri Betanam Betupi Moden madah maya nya, tiga pelilih tu entara lapan menua pelilih ba menua tu, ke ngungkup58,000 hektar kena bumai padi.

Runding Kitai: Kati baka runding sida tu ti ka ngaga umai bedandang besai ba Banting tu amat ka enda kini?

 


Actions

Information

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s




%d bloggers like this: